რა უნდა იცოდეთ კარის შეძენამდე – ნაწილი II

კატეგორიებიბლოგი
  1. შიდა კარი უნდა დამონტაჟდეს სახლის ოთახშორის ღიობებში, ქარის, წვიმისა და მზის პირდაპირი სხივებისგან დაცულ ადგილას. ზოგიერთი  კარი არ არის გათვლილი მსგავსი გარემო პირობებისთვის და შესაძლებელია დაიბრიცოს ან დაზიანდეს ისე, რომ აღარ დაექვემდებაროს რესტავრაციას. არ შეიძლება შიდა კარის აივანზე და სადარბაზოებში დამონტაჟება.
  2. შიდა კარის სხვადასხვა კოლექციები გამოირჩევიან საშუალო და მაღალი ნესტგამძლეობით. შესაძლებელია მათი დამონტაჟება სველ წერტილებში. კარი უნდა მოვარიდოთ წყლის შხეფებს. წყლის შხეფების მოხვედრის შემთხვევაში აუცილებელია გავწმინდოთ მშრალი ტილოთი.
  3. სველ წერტილში შიდა კარის მონტაჟის დროს გასათვალისწინებელია, რომ იატაკზე გროვდება ხოლმე სისველე, რომლის შესაკავებლად რეკომენდებულია ზღურბლის დაყენება. კარის ზღურბლი იკავებს სისველეს სველ წერტილში და იცავს კარის ქვედა მხარეს წყლის მუდმივი ზემოქმედებისაგან.
  4. კარის მონტაჟი წარმოადგენს რემონტის ბოლო ეტაპს. შესაბამისად კარის მონტაჟის დროს რეკომენდებულია იატაკი იყოს დაგებული; კედლები შეღებილი; შპალერი გაკრული; კაფელი გაკრული. გამონაკლის შემთხვევებში შესაძლებელია კედელი იყოს მხოლოდ შელესილი.
  5. არ არის რეკომენდებული შიდა კარის დამონტაჟება კონტრასტული ტემპერატურის პირობებში, მაგალითად გათბობის ღუმელთან და კონდიციონერთან ახლოს. ტემპერატურის მკვეთრმა ცვალებადობამ შეიძლება შეამციროს კარის ექსპლუატაციის ვადა.
  6. არ შეიძლება შიდა კარის გაწმენდა ავეჯის საწმენდითა და სხვა ქიმიური ხსნარებით; ამან შესაძლებელია გამოიწვიოს ზედაპირის დაზიანება. გაწმინდეთ კარი მშრალი ან კარგად გაწურული ნოტიო ტილოთი.
  7. დაუშვებელია შიდა კარის შეღებვა, თუ ამის შესახებ კარს არ გააჩნია დამატებითი წერილობითი ანოტაცია, იმისთვის რომ კარი შეიღებოს უნდა იყოს დაგრუნტული. მდფ კარი, ეკო შპონის კარი და ბუნებრივი შპონის კარი არ იღებება.
  8. თუ თქვენ გაქვთ არასტანდარტული ღიობის ზომა, კონსულტანტნთან ერთად შეარჩიეთ კარი, ისეთი კოლექციიდან, რომელიც კორექტირდება ნებისმიერ ზომაზე. რეკომენდებულია კარის დაკორექტირება საამქროში. დაკორექტირებული კარის ნაწილი იფარება „ლენტით“ ან ლარტყით; როგორც ქარხნულად დამზადებული კარის მოდელები.
  9. გარე კარის სხვადასხვა კოლექციებს გააჩნიათ საშუალო და მაღალი მედეგობა გარემო პირობების მიმართ. გარე კარის შეძენის დროს გაიარეთ კონსულტაცია შოურუმის კონსულტანტთან, თუ რომელი კოლექციებია რეკომენდებული სადარბაზოებისთვის და რომელი – კერძო სახლებისთვის.
  10. გარე კარის შეძენის დროს გაითვალისწინეთ, რომ მონტაჟი მოხდეს სავსე ბლოკებზე. ასეთ შემთხვევაში თქვენი გარე კარი შეიძენს უფრო მეტ სიმტკიცეს და მოგემსახურებათ უფრო დიდი ხნის განმავლობაში.
  11. რკინის კარი

გადადით I ნაწილზე >>>

გაზიარება

კომენტარები