სერვის ცენტრი

კომპანია გაბილდი მომხმარებელს სთავაზობს მომსახურების სრულ და კომფორტულ პაკეტს, რაც გულისხმობს მაღაზიაში პროდუქციის შერჩევის, ან შესყიდვის შემდგომ არსებულ სერვისებს, კერძოდ – აზომვას, მიწოდება/ატანას, ძველი კარის დემონტაჟს, ახალი კარის მონტაჟსა და საგარანტიო მომსახურებას (ქარხნული წუნის შემთხვევაში).

აზომვა

rul კომპანიის სპეციალისტები ახორციელებენ პროფესიონალურ აზომვით სამუშაოებს. მომხმარებელთან წინასწარი შეთანხმებით ხდება ობიექტზე ღიობის ზუსტი ზომებისა და სხვა მნიშვნელოვანი პარამეტრების აღება. საყურადღებოა ის ფაქტი, რომ ხშირად მომხმარებელი ბრმად ყიდულობს კარს და არ ითვალისწინებს ისეთ დეტალებს, როგორიცაა კარის გაღების სისტემა – შიდა/გარე, სახელურისა და საკეტის განთავსება და სხვა დეტალები, რაც  შემდგომში საკმაოდ სერიოზულ პრობლემებს იწვევს. აღნიშნული უსიამოვნების თავიდან ასაცილებლად გაითვალისწინეთ, რომ აზომვითი მომსახურება  უმნიშვნლოვანესი ჯაჭვია კარის მონტაჟის პროცესში. კომპანია გაბილდი მომხმარებლებისთვის მაქსიმალური კომფორტის შესაქმნელად, საკუთარი ხარჯებით უზრუნველყოფს აზომვით მომსახურებას.

მიწოდება

კომპანია გაბილდი პროდუქციის შეძენის შემთხვევაში, მომხმარებელს სთავაზობს სრულ მომსახურებას კარის უფასო და სწრაფ მიწოდებაზე.

უფასო მიწოდება ხდება ნებისმიერ ღირებულებისის პროდუქციაზე და ასევე მოიცავს ატანის მომსახურებასაც. მსგავსი მომსახურება ვრცელდება თბილისის მასშტაბით და მიწოდების პერიოდი შეადგენს 24 დან – 48 საათს, პროდუქციის ღირებულების სრულად გადახდის შემდგომ.

სწრაფი ექსპრეს მიწოდება გულისხმობს პროდუქციის მიტანას,  შენაძენის გაფორმებიდან და ღირებულების გადახდიდან  4 დან – 12 საათში. აღნიშნული მომსახურება მოიცავს როგორც თბილისს, ასევე, მის შემოგარენს – 20 კილომეტრის რადიუსში.  ექსპრეს მომსახურება ფასიანია და თბილისის მასშტაბით  30 ლარს, ხოლო  ქალაქის შემოგარენის ჩათვლით 50 ლარს შეადგენს.

აზომვა მონტაჟი

მონტაჟი

კომპანიის პროფესიონალი მემონტაჟეთა ჯგუფი, რომლის წევრებსაც სპეციალური გადამზადება აქვთ გავლილი ევროპის მოწინავე ქარხნებში, უმაღლეს დონეზე, დროულად, სუფთად და რაც მთავარია დამატებითი პრობლემების გარეშე შეასრულებენ ნებისმიერი სირთულის მქონე საქმეს.  აღნიშნული მომსახურების გამოყენებით თავს აარიდებთ  ზედმეტი დროის, თანხისა ხარჯვასა და რაც მთავარია, სარემონტო თუ სამონტაჟო პროცესით გამოწვეულ დისკომფორტს. ჩვენი მომსახურების გამოყენების შემთხვევაში, თქვენ გაქვთ სრულყოფილი გარანტია კარის საიმედო, ხანგრძლივ და უსაფრთხო ექსპლუატაციაზე. კარის მონტაჟი ძირითადად ხორციელდება მიწოდებიდან გარკვეული ვადის – 48 საათის შემდეგ. გამონაკლის შემთხვევებში შესაძლებელი კარის მონტაჟი მიწოდებისთანავე. აგრეთვე უშუალოდ მომხმარებელთან შეთანხმებულ ვადაში.

გარანტია

კომპანიის შოურუმებში წარმოდგენილი პროდუქციის უმრავლესობას აქვს ქარხნული საგარანტიო პერიოდი, რომელიც მინიმუმ 3 წელს შეადგენს. კარს, რომელსაც მოყვება საგარანტიო ტალონი, მოიცავს მწარმოებლის საგარანტიო პირობებს და მითითებულია კარის საფასე იარლიყზე.

 

პროდუქციის დაბრუნება და გაცვლა

✓კომპანია გაბილდში შეძენილი კარი არ ექვემდებარება დაბრუნებას

✓კომპანიაში შეძენილი კარი ექვემდებარება გაცვლას

  • ფერის
  • ზომის
  • დიზაინის
  • არასწორის შეკვეთის
  • ქარხნული წუნის
  • სხვა შემთხვევის დადგომისას

აღნიშნული მოთხოვნის  დაკმაყოფილება ხდება პროდუქციის ჩაბარებიდან 5 სამუშაო დღის ვადაში,  პასუხისმგებელ პირთან შეთანხმებით, კომპანიის სამუშაო საათების განამავლობაში.

კარი არ ექვემდებარება დაბრუნებას თუ დაზიანებულია პროდუქციის შეფუთვა, სასაქონლო იერსახე, სამომხმარებლო თვისებები, ქარხნული იარლიყები, ან მოხდა მისი გამოყენება.

გადახდის პირობები

კომპანია გაბილდში კარის შეძენა ხდება შემდეგი პირობებით:

  1. ნაღდი ანგარიშსწორებით
  2. ბარათით (მათშორის ე.წ. ამექსი)
  3. უნაღდო ანგარიშსწორებით (გადარიცხვით), ინვოისის საფუძველზე

ინვოსის საფუძველზე გადახდის (გადარიცხვის) შესაძლებლობა აქვს როგორც  იურიდიულ, ასევე ფიზიკურ პირებს.

გაბილდის შოურუმებში კარის შეძენა ასევე შესაძლებელია თიბისი ბანკის, ლიბერთი ბანკისა და კრედო ბანკის განვადების დახმარებით. თითოეული ბანკის პირობა ინდივიდუალურია და  მაქსიმალურად მორგებულია მომხმარებლის კომფორტზე.

 

ცხელი ხაზი    2 06 05 00

    

გაზიარება