რა უნდა იცოდეთ კარის შეძენამდე

კატეგორიებიბლოგი

ნაწილი I (კარის ექსპლუატაციის წესები)

  1. კარის (მოდელისა და ზომების) შერჩევა რეკომენდებულია შავი სარემონტო სამუშაოების მიმდინარეობის დროს. რემონტის ამ ეტაპზე არის შესაძლებლობა გაკეთდეს კარის სტანდარტული ღიობები, რომელშიც იდეალურად ჩაჯდება კარი.
  2. არ მიანდოთ კარის ჩასამონტაჟებელი ადგილის(ღიობის) ზომების დატოვება შავი სარემონტო სამუშაოების ხელოსნებს. მათ არ გააჩნიათ ინფორმაცია სხვადასხვა ევროპელი მწარმოებლების სტანდარტების შესახებ. ოთახშორისი – შიდა კარების ღიობის ზომა უნდა იყოს დაგებული იატაკიდან – სიმაღლე 220 სმ. სიგანე კედლიდან კედლამდე 80 სმ ან 90 სმ. მოცემული ზომები კარის შეძენისას დაგიზოგავთ დროსა და ზედმეტ ხარჯებს. ხარჯები კი დაკავშირებულია კარის კორექტირებასა და არასტანდარტული კარის დამზადებასთან.
  3. რემონტის დასრულების შემდეგ კარის შერჩევის დაწყების დროს თქვენ შესაძლებელია მოგეწონოთ ისეთი მწარმოებლის კარი, რომელიც ვერ მოერგება თქვენი ხელოსნის მიერ დატოვებულ ღიობს. რეკომენდებულია დააზუსტოთ ღიობის ზომები ჩვენს შოურუმებში. დაზუსტებული ზომები კი მიაწოდოთ თქვენს ხელოსანს იმ ეტაპზე, როცა მიმდინარეობს შავი სარემონტო სამუშაოები.
  4. კარის შეძენამდე აუცილებელია კარის ღიობის აზომვა. აზომვა უნდა განხორციელდეს დასრულებული რემონტის პირობებში. რეკომენდებულია აზომვა განხორციელდეს პროფესიონალი კარის ხელოსნის მიერ. უშუალოდ კარის ამზომველი ხელოსანი იქნება პასუხისმგებელი საჭიროების შემთხვევაში კარის კორექტირებასა და იდეალურ მონტაჟზე.
  5. ამავე დროს სასურველია არ მოხდეს კარის ქარხნული სტანდარტების კორექტირება; რათა კარმა არ დაკარგოს უნიკალური დიზაინი და ფორმა.
  6. თუ თქვენ თვითონ აიღებთ კარის ღიობის ზომას, გაითვალისწინეთ, რომ საჭიროა ღიობის სიმაღლის ზომა აიღოთ უკვე დაგებული იატაკის პირობებში. ღიობის სიგანისა და კედლის სისქის ზომა გალესილი კედლის პირობებში. ამავე დროს ერთი ზომა უნდა გადამოწმდეს მინიმუმ სამ სხვადასხვა ადგილას. ღიობის სიგანე უნდა აიზომოს ქვემოთ, შუაში და ზემოთ.
  7. იმისათვის, რომ კარი დიდხანს და ხარისხიანად გემსახუროთ, აუცილებელია მონტაჟი შესრულდეს პროფესიონალი ხელოსნის მიერ. კარის არასწორი მონტაჟის შემთხვევაში შესაძლებელია კარი დაზიანდეს. შემდგომ კი ვეღარ მოხერხდება მისი რესტავრაცია.

მომსახურება:

  • კარის ღიობის აზომვა
  • კარის კორექტირება
  • კარის მიტანა მისამართზე
  • კარის ატანა მონტაჟის ადგილამდე
  • კარის დემონტაჟი
  • კარის მონტაჟი

გადადით II ნაწილზე >>>

გაზიარება

კომენტარები